|
Oppvekstsenteret ligg i brebygda Fjærland i Sogndal kommune.
Senteret er delt i skule, sfo og barnehage, organisert som ei tenesteeining med felles administrasjon.
Inneverande år er det 32 elevar i skulen og 6 i sfo, medan det er 16 ungar i barnehagen.
Skulen og barnehagen ligg fint til attmed fjorden, litt i utkanten av Mundal. Skulebygget er det eldste, frå 1952, men har sjølvsagt vorte modernisert noko opp gjennom åra. På 70-talet vart det oppført gymnastikkbygg med tilhøyrande symjebasseng, medan ny barnehage stod ferdig i 1996. Elles har me både idrettsbane og lysløype som næraste naboar.
|
